Hōkūleʻa Update | May 6, 2015

English

Aloha kākou! This is Kaleo Manuiwa Wong coming to you from the waʻa Hōkūleʻa in the Tasman Sea. Sorry about yesterday, we weren’t able to visit you guys. We were busy with our work here on the waʻa where we had big seas and strong winds. We estimated about 20-25 foot seas, 30+ feet at times. Wind speed was about 30-35, and sometimes up to 40 mile per hours. That caused us to hunker down and do what we needed to do on the waʻa to keep us and the waʻa safe. Of course, we are always safe out here with our trusted captain, Uncle Bruce Blankenfeld. The best of the best telling us what to do. And we also wanted to send a shoutout to Eddie Aikau and his ʻohana. Unfortunately, we were not able to do it on his birthday, which was on May 4th. He continues to sail with us and be with the waʻa by giving us the gift of a large ahi that we are able to feed our ʻohana waʻa here, our family on board Hōkūleʻa. It was dinner, breakfast, and lunch the next day. We also gave some to the escort boat, Gershon. So just a leo aloha and leo mahalo and hauʻoli lā hānau to Eddie Aikau and his family.

As I was mentioning earlier, we had big seas, strong winds, and heavy rains at times. As you can see today, itʻs a different story where we are stuck in variable winds and drifting around in circles with all of our sails luffing. We estimate that it will be another 3-4 days before we get to Australia. However, if we get stuck in weather like this, it may delay our arrival. But we are all in good spirits, feeling good, all healthy and working together as one big family. And we will continue on to Australia and get back to you tomorrow. Aloha!

ʻŌlelo Hawaiʻi

Aloha mai kākou, eia nō ko ʻoukou hoa holo waʻa ʻo Kaleo Manuiwa kēia. E hui kala mai, ʻaʻole i kipa aku iā ʻoukou i nehi nei. Ua paʻa nō mākou i ka hana waʻa ʻoiai i nehi nei ua nui ʻino nā ʻale o ka moana. Ma kahi o 30 kapuaʻi, kekahi manawa 30 a ʻoi kapuaʻi ka nui o ka ʻale. ʻO ka ikaika o ka makani, ma kahi o 35-40, ma kahi o laila, no laila ua paʻa nō mākou i ka hana waʻa. Ma mua o ka hoʻolaha ʻana i kā mākou hana i hana ai ma kēia waʻa nei ua makemake e hāʻawi aku i kahi leo aloha, he leo mahalo nō hoʻi iā Eddie Aikau a me kona ʻohana. ʻOiai ʻo kona lā hānau ma ka lā 4 o Mei, a eia nō mākou e holo nei ma ka moana nui ākea ma Hōkūleʻa nō hoʻi. Makemake e hāʻawi aloha iā ia a me ka hōʻike aku i ka lehulehu i kona holo pū mau ʻana me mākou me ka waʻa nō hoʻi. Ua ʻike ʻia nō kahi hōʻailona ma o ka lou ʻia ʻana o kahi ahi nunui i hānai iā mākou a hānai i kahi moku kamahele, ʻo Gershon. ʻO kekahi manaʻo o kona inoa ʻo ʻAikau, ʻo ia ke kau ʻana o ka ʻai. Ua kau nō ka ʻai ma kēia waʻa nei, a ua hānai, ua māʻona a ua hāʻawi mahalo iā ia. Hauʻoli lā hānau iā ʻoe e Eddie Aikau. No ka holo ʻana o ka waʻa, e like me kaʻu ma mua, ua nui ʻino nā ʻale o ka moana a me ka ikaika o ka makani. Eia naʻe, mau nō ke holo nei e like me ka mea maʻamau ʻoiai he wahi kāpena keu nō a ka maikaʻi ko mākou ʻo Bruce Blankenfeld. Me kona alakaʻi ʻana i kēia waʻa nei, ua lilo i mea ʻole, i mea maʻamau. I kēia lā, ke nānā aku i ka hana, ke nānā aku, ʻaʻohe ʻale o ka moana, ʻaʻohe makani, hiki ke ʻike ʻia ka hoʻoneʻi ʻia ʻana o nā peʻa ma hope oʻu. A ʻo ia, ʻo ia nō ka holo ʻana o mākou. Ke noʻonoʻo nei mākou, ʻehā lā paha i koe a pae pono i Nūhōlani, ʻAukelekulia. Mahalo no ka hāhai mau ʻana iā mākou, no ke kūpaʻa i ke aloha i ka ʻāina, kūpaʻa i ke aloha o ke kai, kūpaʻa nō hoʻi i ka mālama i ka honua. Aloha.

Please help keep us sailing for future generations. All contributions make a difference for our voyage. Mahalo nui loa!